Saturday, 1 December 2018

මයිනාගෙ කතා....... 33 ....ග්‍රීස් යකා

මහසෝනා, රිරී යකා, ඔඩ්ඩි යකා, මළ යකා, තොට යකා, ගරා යකා ......... ඔන්න ඔහොම යක්ෂ නාමාවලියක් අපි දන්න ඩිරෙක්ටරියෙ තියෙනව. යකා ගැහුව්වා යකා දැක්කා යකාට බය උනා කියන අතරෙ යක්කු කියලා එකෙක් නෑ බං කියන එවුනුත් ඉන්නව. අහම්බෙන් දවසක මයිනා ඇතුළු අපතයො සොහොනක නිදා ගත්තා. හැබැයි වීරකමට නොවෙයි යාළුකමට, සිමෙන්තියෙන් බැඳපු සොහොනක් උඩ මයිනටත් යමරෙට නින්ද ගියා. අනිත් එවුන්ටත් එහෙමයි, උදේ බල්ලෙක් ඇඟ උඩින් දුවපු නිසයි ඇහැරැනේ නැත්තං තාම නිදි බොළව්.

                            සමහාර කාලවලදි ලංකාවේ එක එක යක්කු  පෙරේතයො ගොඩ බහිනව නේ. සමහාර ඈයෝ ජාතික මට්ටමට යනවා සමහර එවුන්  පළාත් නියොජනය කරනව තවත් සමහාර එකාලා ගම් මට්ටමෙන්ම නවතිනව. කාලේන් කාලෙට ආපු යක්කු අතරෙ රිටිගල ජයසේන කියන්නෙ ජාතික මට්ටමේ ප්‍රසිද්ධ යකෙක්. හැබැයි ඒ යකා ගැනත් ප්‍රශ්ණ පත්‍රයක්ම අපි ඉදිරියෙ ඉතිරි වෙලා. දුටු ගැමුණු සේනාවේ නන්දිමිත්‍ර සහ රිටිගල ජයසේන එකම අයෙක්ද? මහසේන හෙවත් මහසෝනා බවට  පත් වූයේ මොවුන්මද? මහසෝනා යනු යක්ෂ කට්ටුවක යම් පොදු තනතුරක්ද? මේවට උත්තර පස්සෙ හොයමු හරිනේ.



                               මේ කියන කාලේ ග්‍රීස් යකා තමයි සුපර් ස්ටාර්  හැබැයි හොරකමේ යන්න හොරැ බාවිතා කරපු එක්තරා උපක්‍රමයක් විදියටත් ග්‍රීස් යකාව හැඳින් උනා. මයිනගෙ ගමෙත් ඔන්න ග්‍රීස් යකා භීතීකාවක් පැතිරැනා. අර ගෙදර හිටියා මේ ගෙදර ජනේලෙන් එබුනා අතනින් එද්දි කැළෑ වැදුනා. මේ කතා අස්සෙ ඔන්න තනියෙං ගෑනු උදවිය ගමන් බිමන් යෑමත් සීමා උනා. ග්‍රීස් යකා අල්ල ගන්න ට්‍රයි කරපු එවුන් කිව්වෙ ඌව අල්ලන්න බෑ ලිස්සනව ඇඟ පුරාම තෙල් ගාගෙන හිටියෙ කියලා.


                                    යන එනං මං නැතුව මහ පොළවටත් මහ බරක් වෙලා ඉස්කෝලේ ඇරිලා ඇවිත් තියෙන දෙයක් ගිළලා ගෙදරින් පනින කාලෙක තමා හිටියෙ. ග්‍රීස් යකා භීතිකාව බොහොම තදට පැතිරිලා යද්දි සමහර එවුන් ගෙවල් වල ඇසිඩ් ගෙනත් තියා ගත්තා.  තවත් ඈයෝ කඩු පිහි පොළු කුරැඳු කපන කැති සූදානම් කරා. රෑට ග්‍රීස් යක් බලාපොරොත්තුවෙන් හිටි නිසාම ඌ නොවෙයි රෑට ගෙවල් පැත්ත පළාතක ආවේ. හැබැයි පොදු නාන ළිං ළඟ දවල් දවසේ ග්‍රීස්  යකා හක්කලං කරන බවත් නාන නෝනලා බල බල කෙට්ටු වෙනවා කියලත් ආරංචි ආවා.
පොදු ළිං අතරිනුත් එක ළිඳක් තිබ්බා එක පැත්තක අඩි 30ක විතර කන්ද, කන්දත් එක්ක දිගටම අක්කර ගානක කැලෑව. ඔන්න  ඔය කියන ළිඳ ළඟ ග්‍රීස් යකා අත වන වන හිටියා කියලා තමා අරංචි වැඩි පුරම ලැබුනේ.


                                               එක හැන්දාවක නසරාණි නඩේ එකෙක් යෝජනා කරා "කන්දෙ" යන්න. අර ළිඳ ළඟ කන්ද උඩ කොස් ගස් වගයක් ඩොංකා ගස් වගයක් සහා ගොරකා ඇතුළු උගුරෙන් පල්ලෙහාට බස්ස ගන්න පුළුවන් තවත් කැලෑ ගෙඩි තිබුනා. ඒ කාලේ ඩොංකා තිබුනු කාලයක් කට්ටියම නැග්ගා අර කැලෑ කන්දට. ඔය කැළෑවට රිංගද්දි අනිවාරයෙන්ම පිහියක් දෙකක් අරන් යනවා වරකා ගෙඩියක් එහෙම සෙට් උනොත් කන්න. කට්ටියම බිම මයිනා පත ඩො0කා ගහාකට බඩ ගෑවා. ඩොංකා අතු හොළවන කොට ගෙඩි බිමට මයිනත් මේ ක්‍රියාවෙ යෙදි ඉන්නකොට මයිනට පේනව ඈත එකෙක් ඇදුං ගලවනවා.
පහාළ එවුන්ට අතිං කිව්වා කට වහාගෙන හැංගියව් කියලා. ආයේ මොනවද කොමාන්ඩෝ බටයෝ කැලේ, කට්ටියම සිං සිං ගාලා මිසින්. මයිනා බලං ඉන්නව අරැ ඇඳුම් ටික ගළවලා කිතුල් ගහාක් යට හැංගුවා. ගත්තා බෝතලයක් මුළු ඇඟේම ගා ගත්තා මූනෙත් මොනවදෝ ගා ගත්තා පොර එනවා දැං අපි ඉන්න පැත්තට. අරැ ඩොංකා ගහාත් පහු කරන් දිගටම ගියා ළිඳ පැත්තට පහළ හැංගිච්ච එවුන් මයිනා දිහා බලන් ඉන්නව. මයිනා සිං ගලා බැස්සා ගහෙන් අනිත් එවුනුත් අර ළිඳ පැත්තට කවර් වෙවි ගියා. අනේ ඉතිං නාන ගෑණු දිහා බලාගෙන ග්‍රීස් යකා වනවා වැනිල්ලක් කොහොමද ආයේ නෑ දැං කොළඹයි කොළඹ  ළඟයි තමයි.

අපේ අපතයො කඩං පැන්නා ඉතිං ආයේ බල්ලො රැළ වගෙ.

"ඔහෝ හිටු @රියා "
"අම්මට #@%## %#@ #%# "
"අල්ලපිය මුගෙ අම්මට......"

එකෙක් පැනලා ඇල්ලුවා අරෑව කොහෙද ඉතිං අරැ ආඳා වගෙ ලිස්සලා දුවපි. කට්ටියම අතේ තිබුනු පොලු වලින් අරෑට කෙලපි. අනේ ඉතිං අන්ත අසරණ බාවයට පත් වුනු ග්‍රීස් යකා කෑ ගහාපි

"මල්ලි මම ශාන්තයියා ගාහන්න එපා"


හුටා දන්න කියන එකෙක් මූ ඇඟ පුරා තෙල් ගාගෙන මූනත් කළූ කරාන නාන ගැහැණු දිහා බලන්න ඇවිත්. අනේ ඉතිං දහා අතේ වැඳලා වැඳලා අපිව පොරොන්දු කරව ගත්තා කාටවත් කියන්න එපා කියලා. ඇඳුම් තිබුනු තැනට ගිහින් පර්ස් එකෙන් රැපියල් 500කුත් අපිට දීලා ග්‍රීස් යකා ගියා.


ඊට පස්සෙ මාස 3ක් විතර යනකං ග්‍රීස් යකා අපට පිදේනි දුන්නා. ආප්ප බිල්, කොත්තු බිල් ග්‍රීස් යකා ගානේ අපිට ලැබුනු වරප්‍රසාද අතර ඉස්සරහින්ම තිබුනා. කිව යූතු විශේෂම කාරනාව නම් ගමේ උගත් සහ උසස්යැයි සම්මත වැදගත්ම පොරක් ග්‍රීස් යකා විදියට අපෙන් ගුටි කෑමයි. ඕං බං වැඩේ..... එන්නං ඈ......

1 comment:

  1. //උදේ බල්ලෙක් ඇඟ උඩින් දුවපු නිසයි ඇහැරැනේ// :D

    අපොයි ශාන්තායියා! ඔය වගේ උන් අල්ලා දෙන්නමයි තියෙන්නෙ. ගොඩක් වෙලාවට ඔය වගේ අසමජ්ජාති වැඩ කරන්නෙ කවුරුවත් හීනෙකින්වත් හිතන්නෙ නැති කෙනෙක්. ඔයාලා අල්ලා ගත්තට පස්සෙත් ග්‍රීස් යකා ආපහු ආවද?

    ReplyDelete