Thursday 6 February 2020

මයිනාගෙ කතා... 69 ... ටිංකිරි

#මයිනාගෙ කතා... 69 ... ටිංකිරි

                                                                            ඉස්සර ටින්කිරි කියලා ටින් එකක් ආවා මතක ඇති ඔහෙලට. ගෑනු කෙනෙක් ඔළුව උඩ මොනවදො තියාගෙන යනව වගෙ රූපයක් තමා තිබුනේ. ටින්කිරි බොහො වෙලාවට ගෙනාවෙ මොනව හරි කෑමක් හදන්න තමා. කිරි ටොෆි, කිරි අළුවා, අලදෝසි..... වගෙ එක එක ජාති හදන්න.  ඒ කාලේ වෙළඳපොලේ තිබුනෙ "මිල්ක් මේඩ්" කියන නෙස්ලෙ බ්‍රෑන්ඩ් එක විතරයි වෙන්න ඕන. අධික සීනී සාන්ද්‍රණයෙන් අනූන ටිංකිරි පොඩ්ඩක් සමහර වෙලාවට අල්ලට හම්බ වෙනව ඉතිං ගෙදරට ගෙනාපු දවසට. ඕං ඔය ටින්කිරි කෑමට මයිනා පට්ටම පෙරේතයි.

                                      මේ කියන කාලේ මයිනා ඉස්කෝලෙ 10 වසර වගෙ වෙන්න ඇති. ඒ කාලේ තාක්ෂණික විශයන් යටතෙ ගෑණු ළමයින්ට ගෘහ විද්‍යාව කියල විශයක් තිබුනා. මතක විදියට අපේ ඉස්කෝලෙ ගෘහ විද්‍යාව ඉගැන්නුවෙ ලක්ෂ්මි කියලා ටීචර් කෙනෙක්. ශරිර ප්‍රමාණයෙනුත් ටිකක් මහත දෙහෙත කෙනෙක්. කොල්ලො නම් ඉතිං බැරි පුළුවන් ගානේ වානිජ හා ගිණුම් කරද්දි පංතියෙ කෙල්ලො දෙතුන් දෙනෙක් හැර අනිත් ඔක්කොම එවුන් කරෙ ගෘහ විද්‍යාව. ඒ වෙනකොට අපේ පංතියෙ හිටපු කෙල්ලො හිතාන හිටියෙ උං තමයි වැඩර්ලා කියලා. ඉඳ හිට වඩයක් බැද්දට, සීනී සම්බෝළයක් හැදුවට මුං හිතුවෙ හිල්ටන්, ගලදාරි හොටෙල්වල එවුන්ටත් අපි එක්ක උයන්න බෑ කියල.   
                     
                                                            ඔය සමහර කෙල්ලො මයිනා එක්ක සේෆ් උං ඉතිං ඔය මොනවහරි හදපු වෙලාවට මයිනටත් චුට්ටක් දෙනව. ඔය අතරෙ හිටියා කෙල්ලෙක් මයිනා එක්ක පට්ට මළ, කරපු වරදකුත් නෑ එන්නෙම වළියට. සමහර වෙලාවට කෙල්ලො කෑම එහෙම හදලා පංතියෙ අනිත් එවුන්ට බෙදුවට මේකි නෙවෙයි මයිනට අහක දාන දෙයක් දුන්නෙ. ඕං ඔහොම කාළය ගෙවීගෙන ගිහිල්ලා එක දවසක පංතියෙ කෙල්ලො ඉතිං කෑම වර්ග හදන්න සීනී, පිටි, පොල් එහෙම උස්සං ඇවිත්. අර මයිනත් එක්ක මළ ඕවර් එකී ටින් කිරි එකක් උස්සගෙන ඇවිත්. මේක දැකපු වෙලාවෙ ඉඳලා මයිනට මේ කිරි ටින් එක උස්සන්නම හිත. මයිනගෙ සියලු නසරාණි වැඩ එක්කම එකටම ඉඳපු එකෙක් හිටියා "දමියා" කියලා. මයිනා අරුට කිව්වා අර ටින්කිරි එක උස්සන්න ඕනෙ බං කියලා. ඕ ඉතිං ඉන්ටවල් වෙලාවෙ කෙල්ලො අර ගෙනාපු දේවල් ඔක්කොම ගිහින් ගෘහ විද්‍යාගාරය ඇතුලේ මේසයක් උඩ තියලා දොරත් ලොක් කරලා ආවා.
                                                              ගෘහ විද්‍යාව උගන්නපු මිසුත් බැළුවොත් ඇත්තං ඔය කාමරේ ඇතුලෙමයි. හැබැයි ඉන්ටවල් වෙළාවට ගුරු විවේකාගාරෙට යනව අනික් ගුරුවරු එක්ක තේ එහෙම බොන්න. ඉන්ටවල් එක ඉවරයි කියලා බෙල් එක වදිනකොටම ළමයි ඔක්කොම පංතිවලට දිව්වා. දමියා කොහෙන්දො හොයා ගනිපු වල් බෙළි අතු කෑල්ලක් ඇරපු ජනේලෙකින් දාලා ටින්කිරි එක තිබුනු සොපින් බෑග් එක පිටින්ම ගත්තා ළඟට. ටින්කිරි එක ගත්තට පස්සෙ එතනින්ම එහා පැත්තෙ වල් බෙළි ගස් අස්සෙන් කැලේට.

"මොකද බං මේකට කරන්නෙ"
"ගෙදර අරන් යමං"
"හපෝ බෑ ගෙදරිං ඇහුව්වොත් කොහෙන්ද කියලා"
"එහෙනං දෙන්නත් එක්කම කමු"
"හරි"
"එහෙනං ඉස්කෝලෙන් පනිමු, හිටපං මං පොත් ටිකත් අරන් එන්නං"
                                                    

                                                       දමියා ගිහින් පොත් ටිකත් අරන් ආවා හොරෙන්.... දෙන්නත් එක්ක දන්න සෙල්ලං ඔක්කො දාලා හිල් කර ගත්තා ටින්කිරි එක. ඊට පස්සෙ ඉතිං පිට්ටනිය එහා කෙළවර කැලෑවට වෙලා ටිංකිරි එක කට තියං බිව්වා. දමියා බාගයයි මයිනා බාගයයි වෙන්න, විනාඩි 2ක් ගියෙ නෑ හැදුනා කැරකිල්ලක් වගෙ හිට ගන්නත් බෑ ඉඳ ගන්නත් බෑ. දෙන්නත් එක්කම පොත් ටිකත් ඔළුවට තියං නිදා ගත්තා වෙන මොනව කරන්නද අර කැලේ මැද්දට වෙලා. නිදා ගනිපු නිදා ගැනිල්ල දෙන්නට ඇහැරුනෙ හවස 5ට විතර වගෙ. එතකොට නම් අර මත් ගතිය ගිහිල්ලා. දෙන්නත් එක්ක කැලේ පාරවල් වලින්ම ආවා දමියලගෙ ගෙදරට. දමියලගෙ ගෙදරින් මූණත් හෝදගෙන බත් පොඩ්ඩකුත් කාලා ගෙදර ගියා. මැණියන්වහන්සෙ ඉතිං කොස්සෙන් එකක් දුන්නා ස්කෝලෙ ගිය එකා නෑ කියල බය වෙච්ච හිංදා. "මම දමියලාගෙ ගෙදර ගියා" කියලා යංතං බේරුනා. ටිංකිරි එක නැති උනා කියලා හොරු හෙව්වට හොරු මාට්ටු උනේ නෑ, අපිත් ඉතිං දන්නෑ වගෙ හිටියා. අදටත් මයිනට ටිංකිරි අරහං
එන්නං ඇ.....
@____මයිනා____

3 comments:

  1. Use this diet hack to drop 2 lb of fat in just 8 hours

    At least 160k men and women are hacking their diet with a easy and secret "water hack" to burn 2 lbs every night while they sleep.

    It is proven and works every time.

    This is how to do it yourself:

    1) Get a clear glass and fill it up with water half full

    2) And now use this crazy hack

    and become 2 lbs skinnier as soon as tomorrow!

    ReplyDelete