මයිනාගෙ කතා... 51 බ්‍රේක් උනු ලව් - 1, පුසුඹ

මයිනාගෙ කතා  (51).. බ්‍රේක්  උනු  ලව් - 1
පුසුඹ - 
     සුවඳ  දැනී.. දැනී... දැනෙනවා....  

ඕං ඔහොම කියන්නෙ රූකාන්තයියා සප්ත කන්‍යා  ෆිල්ම් එකේද මන්දා.  මයිනා කැමතිම සමන්පිච්ච මල් සුවඳට..  සුවඳ කොයි කවුරුත් ආඝ්‍රාහණය කරන්න කැමතියි නොවෑ.  අපි ෆර්ෆියුම් එකක් ගන්න ගියත් විවිධ සුවඳවල් බලලා අපි කැමතිම සුවඳින් තමයි තෝර ගන්නේ.  හැබැයි ඉතිං  සුවඳේ අනික් පැත්ත වෙච්ච ගඳට එකෙක්වත් කැමති නෑ.  කිඩාරං මලේ,බලු බෙට්ටේ ඉඳලා මළ කුණු වළ ගඳට යනකං විවිධ වර්ගවල ගඳත්  අපිට දිනපතාම විඳගන්න පුළුවන්නේ.
     කොළඹට  නිතර යන එන එවුන්ට බේරේ වැවේ ඉඳලා එතනින් එහාට පුදුම හිතෙන සුවඳවල් විඳ ගන්න පුළුවන්.  පොදු වැසිකිළියකට ගියාම අවිචි මහ නරකාදිය සිහි වෙන්නෙ ඒකයි.

             මයිනට කතා 2ක් කියන්න තියෙනවා,ඒ කතා 2කම එක වගෙ උනාට එකිනෙකට වෙනස් සිදුවීම් දෙකක්.  මයිනා රට  ගියපු මුල් කාලේ දවසක් මයිනා නිවාඩු දවසක ගියා ඉතිං එරට අග නගරෙ ඇවිදින්න.  ඕං  ඔහොම පොඩි රස්තියාදුවක් දාගෙන ඉඳලා පාක් එහෙක බංකුවක වාඩි උනා.  පාක් එකේ ඉතිං තැන් තැන්වල එක එක රටවල එවුන් වාඩි වෙලා ඉන්නවා.  ටික වෙලාවකින් සුන්දරම සුන්දර ගෑණු පරාණ දෙකක් ඇවිත් මයිනා හිටි බංකුවෙම  වාඩි උනා. මයිනා හිතුවා මුන් දෙන්නා ඉංදියාවේ වෙන්න ඇති කියලා.  මුං දෙන්නා දෙමලෙන් කතා කර කර ඉන්න අතරෙ මයිනට ආවා කෝල් එකක්.  මයිනා ඉතිං හෙල බස වනද්දි ආං අර පරාණ 2ක හිනා උනා. 

"අයියා ලංකාවෙද?"
"ඔව්"
"කොහෙද ලංකාවේ?"
"හික්කඩුවේ"

 ඕං ඔහොම කතා බහ කරලා ඉවර වෙද්දි ඉතිං ටෙලිෆෝන් නම්බරුත් මාරු කරන් ලංකාවේ  හොටෙල් එකකින් කෑමත් කාලා එහෙම  මයිනගෙ කම්පනියෙ වහනෙන් දෙන්නට ප්‍රවහණ පහසුකමුත් සලසලා දුන්නා. දෙන්නා මුස්ලිම් එකක් නුවරඑළියෙ අනිත් එක මඩවල දෙන්නා නෑදෑයො, ගෙවල් 2ක වැඩ. ඉමෝ, වයිබර්, වට්ස්ඇප් ඉන්ටර්නෙට් නැති ඒ කාලේ ඉතිං මොබයිල් එකට සල්ලි දාගෙන තමා කතාව. 

            ඔන්න ඉතිං එක දවසක අර සුන්දර ළඳක් වැඩ කරන ගෙදර සියළු දෙනාම වෙන රටකට ගිහින් කියලා මයිනට ආරාධනා කරා එන්න කියලා උදෙන්ම.  මයිනප්පුවත් ඉතිං  පාන්දරම සුවඳ සබන් ඇඟ ගාලා සෙන්ට් කුප්පියකුත් නාලා වැඩට යනව වගේ ගෙදරින් ගිහින් අර ගෙදරට ගියා.  ඕං ඉතිං මයිනව වාඩි කරවං කතා බහ කරන අතරේ මයිනට බ්‍රෙක්ෆස්ට් හදලා.  ඔම්ලට්, සොසේජස්,ටෝස්ට් පාන්,බටර්,ජෑම් සහ අරවද මේවද සමග පත සයිස් ෆ්‍රෙෂ් මිල්ක් එකක්!

     සියළු සංග්‍රහයන් අවසානයේ මයිනා ඉන්නවා ඊළඟ කෑමට සූදානම් වෙමින්, ඒ  අසිරිමත් ළඳ පැමිණ දුන්නා හාදුවක් ආයේ ඉතිං....

    කියන්න අජුතයි මිතුරනි පෙරදා රෑට  කාපුවා, උදේට ගෙදරින් බීපු ප්ලේන්ටිය, මේකි දුන්නු උදේ කෑම සහ කිරි එක සියල්ලම    ඕ........ක්  ගාලා  එළියට! අද  මේ ලියන  වෙලාවෙත්  මට අප්‍රියාසයි ඒ ප්‍රියංභිකාවගේ කටේ ගඳ! බාත් රූම් එකකට රිංගලා ඇති වෙන්න වමනය කිරීමෙන් පස්සෙ, "පස්සෙ  එන්නං  ෆාතිමා,  ඇඟට හරි නෑ කියලා"  මයිනා මාරු!!   සිම් එකත් මාරු මයිනත් මාරු ලව්ත් එපා ෆාතිමාලත් එපා කියලා එදා පටන් හිතට ගත්තා. අක්කගෙ මිරිස් හොදිවලට පිං සිද්ද වෙන්න යංතං දවස් දෙකකට පස්සෙ වැඩට ගියා.

    දෙවනි කතාව..

   ලංකාවේ නන්නත්තාර වෙලා කුජීත වෙලා  ඉඳලා රට ගියපු මයිනගේ පෙර පිං පල දීලා  මයිනට තරමක පහෙ රැකීයාවක් ලැබුනා.  අවුරුදු දෙකක් විතර රට ඉඳලා ලංකාවට ගොඩ  බහද්දි මයිනාගෙ ලංකාවෙන් යද්දි තිබිච්ච හඩු ගතිය ගිහිල්ලා, පෙම් පාට වැටිලා, කැහුටු ශරීර කූඩුව වෙනුවට හොඳ ෆිට් බොඩි එකක් එහෙම සෙට් වෙලා නළුවා වගෙ වෙලා.. ඉස්සර රවපු ඔරවපු කෑලි ඉතිං පාරේ දැක්කම "අයියා කවදද ආවේ", "ආයෙමත් යනවද"  ආදි වශයෙන්  පැනලා දෙනවා.  මයිනගෙ රැකියාව සහ මයිනගෙ රට ජීවිතේ දැකපු උන් ඉතිං ගමට ඇවිත් කියපු කතන්දරත් එක්ක ගමේ එවුන්ගෙ හිතේ මයිනා එහෙ තෙල් ලිඳක අයිතිකාරයෙක් කියලා!

            මයිනාගෙ සාර්ථකත්වය ගැන උඬගු වෙලා හිටපු රියල්ම චරිතය තමයි රංජනී මාතාව! එතුමියට අනුව එවකට ජනාධිපති චන්ද්‍රිඛා මැඩම්ගෙ දුව දුන්නත් මයිනගෙ තත්වෙට හරි යන්නෙ නැත.  රට ඉඳලා ආපු දවසක කුක්කුඩෝල් අහම්බෙන් හම්බවෙලා වගතුග කතා කරපු එකත් රංජනි මාතාවගෙ කණට ගියපු නිසා මයිනා හිතුවා ලව් සීන් එකක් පටන් ගන්න..

               එවකට  සහ අදටත්  හික්කඩුවේ සාර්ථක ව්‍යපාරික ආයතනයක වැඩකරන කෑල්ලක් හිටියා.  මයිනා ඉතිං ගෙදරට අවශ්‍ය බඩු එහෙම තොග මිළට ගන්නෙ එහෙම යන්නෙ එතනට.  ඕං බැලුවා කෑල්ල  ඉටිකිරිස්! උසට ගැළපෙන මහත.. "නිසි පුළුලුකුළ ඉඟ සුඟ ගත හැක මිටින" මයිනගෙ බාප්පගෙ පුතා ස්වේඡ්ඡාවෙන්ම ඉදිරිපත් වෙලා අයියගෙ දුරකථන  අංකේ දුන්නා ඉතිං නෑනා කරගන්න හිතන්.

     ඕං ඉතිං ටෙලිෆෝන් සංවාද පැය ගණනාවකට පස්සෙ මයිනප්පු සහ ඉටිකිරිස්  ඉරිදාවක හවස හමුවීමට තීරණය කරා.  අළුත්ගම කන්දේ විහාරෙට තමා යං කිව්වේ. මයිනා ඉතිං ශාරුක් ඛාන්ගෙ නැන්දගෙ පුතා වගෙ ගියා අළුත්ගම.  දෙන්නා එක්ක මලුත් අරන් තෙලුත් අරන්  කන්දේ විහාරෙ වැඳ පුදාගෙන අළුත්ගම ඉඳන් හික්කඩුවට කෝච්චියෙ දොරකට හේත්තු වෙලා  එනව.  අනේ  ඉතිං  අම්බලන්ගොඩ හරියෙදි මයිනා පාත් වෙලා  "මුවට  මුව  තියා" ඉංග්‍රිසි විදියට මොනවහරි කරන්න හිතුවා. හම්මේ ඉතිං ඒ පුසුඹ තුං  නොදකින් ගෑණු සංහතියම එපා උනා. අරකිට  පයිං එකක් දෙන්න හිතුනා කෝච්චියෙන් බිමට  වැටෙන්න. 
      අම්බලන්ගොඩින් කෝච්චිය නැවැත්තුවට පස්සෙ  මයිනා  පොඩි වැඩ වගයක් තියෙනව කියලා කොච්චියෙන් බැහැලා මාරු. ඊළඟ දවසේ  පාන්දර මයිනා කොළඹට හම්මෙ ඉතිං ඉටිකිරිස්  කෝල් පිට කෝල් මයිනා ඉතිං ඉතාම වැඩ අධික බවක් පෙන්නා ඊට දවස් දෙක තුනකට පස්සෙ    ටිකට් එකත් මාරු කරන් රට.  මයිනගෙ බාප්පගෙ  පුතණ්ඩියාට හෙන ප්‍රශ්නේ යකෝ මෙච්චර ඉටිකිරිස් කෑල්ලකට මොකද බොළ මූ කැමති නැති උනේ ඇයි කියලා. 

    

"ඈ  බං  අයියෙ  ඇයි අරකිට  කැමති  නැති උනේ?"

"තෝ  මැරිච්ච  පූසෙක් දවස් 3ක් විතර කුණු වෙන්න තියලා ඉඹලා බළපිය ගල් ඉබ්බා=*%&**"

"ඇයි බං ඒ?"

"බොළ  ඒකිගෙ  කටේ ගඳ දැනුනා නම්  අහළ ගං 7ක ඉන්නනේ නෑ මිහිපිට මනුස්සයෙක්"

"හුටා  බං"

ඔන්න  ඔහොමයි බොළව්  මයිනගෙ  ලව් බ්‍රේක් උනේ.....  එන්නං  ඈ......